Teywen: "Xitay herbiy paraxotlirining izini qoghliduq, mesile körülmidi"

Muxbirimiz shöhret hoshur
2018-03-21
Élxet
Pikir
Share
Print

Tünügün teywen boghuzida xitay herbiy paraxotlirining heriketliniwatqanliqini bayqighan teywen dölet mudapi'e ministirliqi buninggha qarita hawadin we sudin közitish élip barghan.

Roytérs agéntliqining bügünki bu heqtiki xewiride bayan qilinishiche, xitay herbiy paraxotining izini qoghlighan teywenning herbiy paraxot we ayropilanliri xitay terepning heriketlinishide binormalliq yoqluqini bayqighan.

Bu heqte axbaratqa melumat bergen teywen dölet mudapi'e ministirliqi xitay herbiy paraxotlirining seyshenbe küni kechte heriketlen'genliki we charshenbe küni chüshte teywen déngiz tewelikidin uzaqlashqanliqi, teywen boghuzida endishinerlik bir ehwalning yoqluqini bayan qilghan.

Amérikining ötken hepte teywen sayahet qanunini maqullishi bilen teywen dölet rehberlirining amérikida resmiy ziyarette bolushining yoli échilghan. Tünügün xitay xelq qurultiyining yépilish murasimida söz qilghan shi jinping, eger teywen terep musteqilliq urunushida bolsa tarixining jazasigha uchraydighanliqini bildürgen idi.

Roytérs agéntliqining xewiride déyilishiche, amérikining mu'awin tashqi ishlar ministiri aléks wong bügün teywen prézidénti sey yingwén bilen birlikte teybéydiki bir soda yighin'gha qatnashqan.

U muxbirlargha qilghan sözide "Teywen buningdin kéyin xelq'ara sehnilerde chette qalduralmaydu," dégen we teywenning dunya bilen ortaqlishishi kérek bolghan köp ishlarning barliqini tekitligen.

Toluq bet