Xitayning bu yilliq herbiy xamchoti töwenlep 7.6% Ke chüshken

Muxbirimiz qutlan
2017-03-06
Élxet
Pikir
Share
Print

Xitayning bu yilliq dölet mudapi'e xamchotining taki ötken yilighiche dawamlashqan ikki reqemlik ösüsh halitidin birdinla bir reqemlik halitige chüshkenliki xelq'ara jem'iyetning diqqitini qozghimaqta.

Birleshme agéntliqning bu heqtiki xewirige qarighanda, xitay maliye ministirliqi "Blumbérg xewerliri" gézitining muxbirigha xitayning 2017-yilliq herbiy xamchotining 1 tirilyon 44 milyard som, yeni 151 milyard amérika dolliri bolidighanliqini bildürgen.

Halbuki, xitay hökümiti yekshenbe küni xitay memliketlik xelq qurultiyi yighinida bergen doklatida bu yilliq herbiy xamchoti heqqide yuqiriqi reqemni tilgha almighan.

Xitayning yillarche dawamlashqan herbiy xamchotidiki ikki reqemlik ösüsh nisbitining bu yil tuyuqsiz bir reqemge chüshüp qélishi diqqet qozghighan. Besh burjeklik binaning bu heqtiki bir doklatida, ötken yili xitay hökümiti emeliyleshtürgen herbiy sélinmining emeliyette ular sirtqa élan qilghan reqemdin nechche on milyard dollar artuq ikenliki eskertilgen.

Amérika prézidénti donald tramp ötken hepte amérikining bu yilliq herbiy xamchotining 10 pirsent etrapida bolidighanliqini bildürgen idi. Amérikidiki alaqidar menbelerning tekitlishiche, tramp hökümitining herbiy xamchotni ashurushi asasliqi islam döliti küchliri bilen xitayning herbiy kéngeymichilikini cheklesh üchün iken.

Melum bolushiche, amérikining yilliq herbiy xamchoti 600 milyard dollardin artuq bolup, amérika armiyesi yenila pütün yer sharidiki eng qudretlik we herbiy sélinmisi eng köp armiye halitini saqlimaqtiken.

Toluq bet