Xitay taratquliri xitay-hindistan urushida hayatidin ayrilghan “Urush qehrimani” isma'il memetni qayta teshwiq qilishqa bashlighan

Muxbirimiz jewlan
2021.06.09

Xitay kompartiyesi qurulghanliqining 100 yilliqini tebriklesh pa'aliyetliri janlinip ketken bu mezgilde, xitay metbu'atliri 1962-yildiki xitay-hindistan urushida ölüp ketken isma'il memetning ish-izlirini alahide teshwiq qilishqa bashlighan.

Isma'il memet 1940-yil qeshqer yéngisar nahiyeside tughulghan bolup, 1960-yil xitay xelq azadliq armiyesige qatniship, 1962-yil 10-ayning 7-küni xitay-hindistan chégra toqunushida qaza qilghan. Xitay dölet mudapiye ministirliki 1963-yil 4-ayda uninggha “Urush qehrimani” dep nam bergen.

Qaghiliq nahiye “Inqilawi qurbanlar qebristanliqi” 1962-yildiki xitay-hindistan chégra toqunushida ölgen 211 eskerning “Shereplik hayati” teshwiq qilinidighan muhim teshwiqat baziliridin biri bolup, buning ichide isma'il memetning qebrisi alahide orun tutidiken.

Közetchilerning qarishiche, isma'il memet kommunist xitay yéngi qurulghan chaghdiki wetenperwerlik teshwiqatining qurbanigha aylan'ghan Uyghur yashlardin biri bolup, u 22 yéshida xitayning chégra toqunushida jan bergen. Échinarliq yéri, xitay Uyghurlargha irqiy qirghinchiliq yürgüzüwatqan bügünki künde isma'il memet yene qandaqtur Uyghurlarning “Wetenni söyüsh ülgisi” aylinip qalghan bolup, xitay uni qayta kötürüp chiqish arqiliq Uyghurlargha “Jungxu'a wetenperwerlik terbiyesi” élip barmaqchi bolghan. Muhajirettiki Uyghur tetqiqatchilirining qarishiche, xitay kommunist hökümiti teshwiqat éhtiyaji üchün isma'il memetni bashtin-axir öz menpe'etining qurbanigha aylandurghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.