Bipin rawat: “Xitay hazir hindistan üchün eng chong tehdit!”

Muxbirimiz eziz
2021-11-17
Share

Yéqinda hindistan dölet mudapi'e ministiri général bipin rawat hindistan-xitay munasiwiti heqqide toxtilip “Hazir xitay biz üchün pakistandinmu zor tehdit. Bizning otturimizda ishenchtin köre guman ewj almaqta” dégen.

“Blumbérg xewerliri” ning bu heqtiki tepsiliy xewiride éytilishiche, génééral bipin rawat bu sözni birnechche qétim tilgha alghan hemde hindistanning bu xil yéngi tehditke qarshi tégishlik mudapi'e charilirini élishi lazimliqini tekitligen. Nöwette xitay bilen hindistanning toqunushtiki ladax rayonida we bashqa rayonlirida her ikkila terepning mu'eyyen sandiki herbiy qoshuni toplan'ghan iken. Bipin rawat bu heqte toxtilip “Qoshunlarni chékindürüp chiqish haman bolidighan ish. Emma u yéqin arida emelge ashmaydighandek qilidu” dégen.

Xewerde éytilishiche, hindistan armiyesi uzun mezgillik toqunushqa teyyarliq körüwatqan bolup, xitay armiyesi toqunushtiki rayonlardin chékinmigiche ularmu özlirining qoshun chékindürmeydighanliqini bildürgen.

“Hindistan waqti” gézitining bu heqtiki xewiride éytilishiche, hindistan parlaménti nöwette bu mesilini jiddiy muzakire qiliwatqan bolup, birqisim yuqiri derijilik générallar “Biz xitayning qanunsiz zémin igilishige yol qoyalmaymiz” dep ipade bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet