Xitay hökümiti Uyghur diyarida yéqinqi 4 yil yil ichide 5 milyondek déhqan-charwichini köchürgen

Muxbirimiz erkin
2020-10-02
Share

Xitay hökümiti Uyghur diyarida yéqinqi 4 yil ichide 5 milyon'gha yéqin déhqan-charwichini yötkep, "Bixeter öyler" ge köchürgen. "Shinjang géziti" ning 2-öktebir tarqatqan xewiride, buning 1 milyon 118 ming 770 a'ile ikenliki, uning "13-Besh yilliq pilan" mezgilide ijra qilin'ghanliqi ilgiri sürülgen. Xewerde ashkarilishiche, bu ahalilerning mutleq köpchiliki 2016-, 2017-we 2018-yillirida köchürülgen. Bu xitayning Uyghur diyarida chong tutqunni bashlap, Uyghurlarni keng kölemlik lagér we türmilerge qamighan mezgilge toghra kélidu.

Xitay hökümiti yerlik déhqan-charwichilarning "Taghliq we chöllük ichide ewlatmu-ewlat yashap kelgen yer tewreshke chidamsiz topa öylerni térik étip, béton qurulmiliq yéngi öylerge köchkenliki" ni ilgiri sürsimu, lékin közetküchiler xitayning bu arqiliq Uyghurlarning en'eniwi yashash usuli, mehelle medeniyitini weyran qilip, ularni téximu qattiq kontrol astigha alghanliqi, bu qurulushning Uyghur "Medeniyet qirghinchiliqi" ning bir parchisi ikenlikini ilgiri sürüp keldi.

"Shinjang géziti" ning xewiride tekitlishiche, déhqan-charwichilarni yötkesh qurulushi "Yéngi weziyettiki shinjangda ijtima'iy muqimliq, uzun muddetlik eminlik nishanini ilgiri sürüshning asasliq tedbiri" iken. Bu mezgil ichide köchürülgen déhqan-charwichi a'ililirining yérimini jenubtiki üch wilayet bir oblastikiler igiligen. "Shinjang géziti" ning xewiride tektilishiche, yuqiriqi üch wilayet bir oblasttin 580 ming 490 a'ile déhqan-charwichi köchürülgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.