Xitay hökümiti Uyghur déhqan a'ililirining öy bézesh en'enilirini özgertishke 4 milyard yüen xejligen

Muxbirimiz erkin
2019-10-21
Élxet
Pikir
Share
Print

Xitay hökümitining Uyghur déhqanlirini en'eniwi turmush muhiti, milliy pasondiki öy yasash, bézekchilik adetlirini özgertip, öylerni xitay pasonida yasash, öy ichini xitay pasonida bézeshke mejburlawatqanliqi melum bolmaqta. Xitay taratqulirining ilgiri sürüshiche, Uyghur aptonom rayoni 2018‏-yilining özide déhqanlarning yer tewreshke chidamliq öylerge köchüp, "An'eniwiy öy tutush adetliri" ni tashlishi, supiliq öylerni chuwup, karwat, safalarda yashashtek "Zamaniwiy turmush adetliri" ge köchüshige 4 milyard 196 milyon yüen serp qilghan.

Xitay hökümiti 2017‏-yilidin bashlap Uyghurlarni keng kölemlik tutqun qilip, 2 milyondek Uyghur we bashqa musulmanlarni yighiwélish lagérlirigha qamash bilen bir waqitta, milliy pasondiki qurulushlarni, milliy pasonida bézelgen öylerni "Radikalliqning ipadisi" dégen seweb bilen chéqishqa bashlighanidi. Közetküchiler xitayning bu heriket arqiliq Uyghurlarning turmush we kündilik hayatidiki milliy xasliqni öchürüp tashlap, ularning Uyghur medeniyitini yorutushqa urunuwatqanliqini ilgiri sürmekte.

Xitay shinxu'a agéntliqining 21‏-öktebir tartqatqan bu heqtiki bir xewiride, maralbéshi nahiyesining anarköl yézisige qarashliq chüshürge kentidiki déhqanlarning ehwali tonushturulup, hazir bu kenttiki déhqanlarning burunqi en'eniwiy hoyla-aram qiyapiti we öy bézesh adetliride pütünley özgirish bolghanliqi, déhqanlarning supiliq öylerni buzup, burunqi öy yasash adetlirini, kigiz sélin'ghan yerde yétishtek "Saghlam bolmighan" turmush usullirini tashlighanliqi, kigizning ornini sofa we karwat igilligenliki, déhqanlarning yer tewreshke chidamliq öyde olturalmasliq, qishning küni issinalmasliqtek ehwalgha xatime bérilip, déhqanlarning "Sheherliktek" yashawatqanliqi tekitlen'gen. Xewerde ilgiri sürülishiche, "Bu yolda élin'ghan mislisiz tedbirler jenubiy shinjangdiki yéza-kentlerning olturaq muhitini ünümlük özgertip, tarimdiki yéza-kentler yéngi qiyapetke kirgen. Bu yerdiki déhqan-charwichilar zamaniwi turmush usuligha tedrijiy könüshke bashlimaqta" iken.

Toluq bet