Хитай хәлқ қурултийи икки пәрзәнтлик болушқа рәсмий рухсәт қилди

Мухбиримиз үмидвар
2015-12-27
Share


Хитай хәлқ қурултийи хитай пуқралириниң икки пәрзәнтлик болушқа рухсәт қилишқа аит өзгәртиш киргүзүлгән йеңи пиланлиқ туғут қанунини 27 декабир күни рәсмий тәстиқтин өткүзди.

Мәлум болушичә, мәзкур қанун 2016 - йили, 1 - айниң 1 - күнидин етибарән күчкә игә болиду. Бу қанун бойичә ата - аниларниң икки пәрзәнтлик болушиға рухсәт қилинидикән,

Б б с агентлиқиниң хитай мәнбәлиридин нәқил елишичә, хитай бу йил 10 - айда бир қанчә он йилдин буян давамлаштуруп келиватқан бир пәрзәнтлик сияситини өзгәртип, әр - аялларниң икки пәрзәнтлик болушиға рухсәт қилидиғанлиқини җакарлиған иди.

Хитайдики пиланлиқ туғут сияситиниң хитайниң иқтисадий тәрәққиятида бәлгилик рол ойниғанлиқи шәрһиләнсиму, бирақ униң йәнә нопус тәңпуңсизлиқи, әр - аяллар нисбитидики пәрқләр вә башқа түрлүк иҗтимаий мәсилиләрни кәлтүрүп чиқириватқанлиқиму оттуриға қоюлған иди.

Йеқинқи йиллардин буян пиланлиқ туғут сияситидә бәзи җайларда әһвалға қарап, қисмән йол қоюш йүргүзүлгән болсиму, әмма йеңидин қанун чиқирилип, икки пәрзәнтлик болушқа йол қоюш зөрүрийити туғулған икән.

Әмма, йәнила һәр қайси өлкә, аптоном район вә биваситә қарашлиқ шәһәрләрдә бир пәрзәнтлик ата - аниларни тәқдирләш чариси йолға қоюлған болуп, дөләт бир пәрзәнтлик ата - аниларға мәхсус "шәрәп гуваһнамиси" тарқитип беридикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт