Xitay tashqi ishlar ministirliqi rabiye qadirning eyibleshlirini ret qildi

Muxbirimiz irade
2015.10.20
Share on WhatsApp
Share on WhatsApp

Xitay tashqi ishlar ministirliqi Uyghur milliy herikiti rehbiri rabiye qadir xanimning eyibleshlirini ret qilip, Uyghur élining muqimliqini ilgiri sürdi.

Rabiye qadir aldinqi küni yaponiyediki ziyariti mezgilide qilghan sözide, xitay hökümitining bésim siyasiti tüpeylidin Uyghur élining “Bir jeng meydanigha aylinip qalghanliqi”ni bildürgen idi.

Xitay tashqi ishlar ministirliqi bayanatchisi xu'a chünying seyshenbe künidiki sözide yuqiridiki sözlerni ret qilip, “Shinjangda barche xelq tinchliq ichide yashawatidu. Peqet nahayiti az sandiki bir qisim kishilerla milletler ittipaqliqi we muqimliqni buzushqa urunuwatidu” dégen. U shundaqla rabiye qadir xanimni Uyghur élidiki emeliyetni körmeske sélish bilen eyibligen.

Xitay hökümiti Uyghur élide yüz bériwatqan naraziliq heriketlirining “Az sandiki dini radikallar we zorawan unsurlarning térrorluq herikiti”ikenlikini ilgiri sürsimu, biraq xelq'aradiki kishilik hoquq organliri doklatlirida buning xitay hökümitining rayonda yürgüzüwatqan siyasetlirining biwasite netijisi ikenlikini we ziddiyetning barghanséri keskinlishiwatqanliqini körsetmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.