Хитай елан қилған "тордики 10 бәлгилимә" интернет контроллуқини күчәйтиш дәп тәнқидләнди

Мухбиримиз меһрибан
2015-04-28
Share


Хитай дөләтлик тор башқуруш ишханиси 28 - април елан қилған "интернет алақисини тәртипкә селишта риайә қилидиған 10 бәлгилимә" хитай аммиви тор бекәтлиридә наразилиқ инкаслирини қозғап, хитай вәзийәт анализчилири тәрипидин "бу, интернет контроллуқини күчәйтиш, пуқрарларниң сөз - пикир әркинликини чәкләш ролини ойнайду" дәп тәнқидләнди.

Әнгилийә б б с агентлиқиниң "хитай интернет ишханиси 10 бәлгилимини йолға қоюп, тор контроллуқини күчәйтти" сәрләвһәлик хәвәр анализида, хитай вәзийити анализчилиридин бейҗиң университетиниң профессори чяв муниң сөзи нәқил елинип,"тордики 10 бәлгилимә намда интернет алақисини тәртипкә селиш дәп тәшвиқ қилиниватиду, әмма бу бәлгилимини йолға қоюштики ениқ мәқсәт йәнила тор ишләткүчиләр вә тордики учурларни контрол қилиш" дийилди.

Хәвәр анализида йәнә, хитай елан қилған "тордики 10 бәлгилимә" ниң конкрет мәзмунлири тилға елинип,"бу бәлгилимиләрниң мутләқ көп қисмида торға учур йоллашта риайә қилидиған тәртипләр вә бу бәлгилимиләрниң мәзмуни баян қилинған. Бәлгилимидә сиясий мәзмундики йолланмилар сәзгүр темилар сүпитидә тилға елинип, нуқтилиқ тәкшүрүш обикти қилинидиғанлиқи алаһидә тәкитләнгән. Пуқралар дөләт сияситигә хилап темиларни йоллимаслиққа агаһландурулуп, хилаплиқ қилғучиларниң җазалинидиғанлиқи һәққидә тохталған" дегән баянлар берилди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт