Xitay élan qilghan “Tordiki 10 belgilime” intérnét kontrolluqini kücheytish dep tenqidlendi

Muxbirimiz méhriban
2015-04-28
Share


Xitay döletlik tor bashqurush ishxanisi 28 - april élan qilghan “Intérnét alaqisini tertipke sélishta ri'aye qilidighan 10 belgilime” xitay ammiwi tor béketliride naraziliq inkaslirini qozghap, xitay weziyet analizchiliri teripidin “Bu, intérnét kontrolluqini kücheytish, puqrarlarning söz - pikir erkinlikini cheklesh rolini oynaydu” dep tenqidlendi.

En'giliye b b s agéntliqining “Xitay intérnét ishxanisi 10 belgilimini yolgha qoyup, tor kontrolluqini kücheytti” serlewhelik xewer analizida, xitay weziyiti analizchiliridin béyjing uniwérsitétining proféssori chyaw muning sözi neqil élinip,“Tordiki 10 belgilime namda intérnét alaqisini tertipke sélish dep teshwiq qiliniwatidu, emma bu belgilimini yolgha qoyushtiki éniq meqset yenila tor ishletküchiler we tordiki uchurlarni kontrol qilish” diyildi.

Xewer analizida yene, xitay élan qilghan “Tordiki 10 belgilime” ning konkrét mezmunliri tilgha élinip,“Bu belgilimilerning mutleq köp qismida torgha uchur yollashta ri'aye qilidighan tertipler we bu belgilimilerning mezmuni bayan qilin'ghan. Belgilimide siyasiy mezmundiki yollanmilar sezgür témilar süpitide tilgha élinip, nuqtiliq tekshürüsh obikti qilinidighanliqi alahide tekitlen'gen. Puqralar dölet siyasitige xilap témilarni yollimasliqqa agahlandurulup, xilapliq qilghuchilarning jazalinidighanliqi heqqide toxtalghan” dégen bayanlar bérildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet