"Forbés" zhurnili xitay iqtisadining chöküwatqanliqi heqqide maqale élan qildi

Muxbirimiz qutlan
2017-08-30
Share

Iqtisad ilmi boyiche dunyadiki eng nopuzluq zhurnallarning biri bolghan "Forbés" zhurnili tünügün xitay iqtisadi heqqide mexsus analiz élan qilip, xitay iqtisadining jiddiy rewishte chöküwatqanliqini ilgiri sürgen.

"Xitay iqtisadi peqetla 'ponzi isxémisi' diki bir gigantmu?" dep mawzu qoyulghan mezkur analizda mundaq déyilgen: "'jenubiy xitay etigenlik pochtisi' gézitining yekshenbe künidiki sanida pütkül xitay iqtisadining 'ponzi isxémisi' diki bir gigant gewdidek körün'gini bilen uning emeliyette chöküsh xewpidin xaliy bolalmaydighanliqi" agahlandurulghan.

Analizda yene mundaq déyilgen: "Xitay iqtisadining jiddiy chöküshi belkim bügün yaki ete bolmasliqi mumkin, emma u xuddi iqtisadshunas hamfréy bogart qiyas qilghinidek, pat arida choqum yüz béridu. Yeni xitay kompartiyesining 19-qurultiyidin burun yüz bermigini bilen, uningdin kéyin haman yüz béridu."

Analizda xitaydiki polat-tömür ishlepchiqirish krizisi bilen métal bahasining shiddet bilen chüshüp kétishi misal keltürülüp, xitay iqtisadining chöküshidiki muqerrer yüzlinish échip körsitilgen.

Uningda yene, xitay bilen hindistan otturisida yüz bergen doklam krizisi tüpeyli xitayning butan'gha salghan 10 milyard dollarliq ghayet zor meblighining köyüsh éhtimalliqimu körsitip ötülgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet