Хитай иқтисадиниң вәйран болидиғанлиқиға аит әндишиләр күчәйгән

Мухбиримиз җүмә
2015.10.07
Share on WhatsApp
Share on WhatsApp

Хитай иқтисадиниң вәйран болидиғанлиқиға аит әндишиләрниң күчийиватқанлиқи илгири сүрүлмәктә. 7- Өктәбир австралийәдин чиқидиған “пул-муамилә обзорлири” журнилида көрситишичә, гәрчә хәлқара малийә фонди-IMF хитайниң келәр йиллиқ омумий ишләпчиқириш қиммити төвәнләйду, дәп қарашни рәт қилған болсиму, әмма мулаһизичиләр хитай иқтисадиниң еғир дәриҗидә чөкүш хәвпигә дуч келиватқанлиқини пәрәз қилишқан.

Бу һәқтики хәвәрдә нәқил қилишичә, америка CITI банка гуруһидики иқтисадшунас вилләм буитер хитайниң пүтүн дуня иқтисадини кризисқа патуруш хәвпи барлиқини көрсәткән.

У мундақ дегән: биз хитай барғанчә өрләватқан әҗәллик чөкүш хәвпигә қарап кетиватиду, дәп қараймиз. Хитайниң чөкүши вә иқтисадий кризисқа дуч келишидики сәвәбләр болса һәммәйләнгә мәлумлуқ. У болсиму, хусусий саһәдики дәриҗидин ташқири тәсир күч вә пул-муамилә базиридики әқилгә мувапиқ кәлмәйдиған нормисизлиқтур.

Униң бу қарашлирини германийә хәлқара банка гуруһидики алий иқтисадшунас петир һуперму қоллиған.

Уму базар анализиниң хитай иқтисадидики муқимсизлиқларни көрситип туруватқанлиқини, хитай иқтисадиниң кризисқа дуч келидиғанлиқиға аит сәлбий пикирләрниң көпийиватқанлиқини билдүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.