Xitay iqtisadining weyran bolidighanliqigha a'it endishiler kücheygen

Muxbirimiz jüme
2015-10-07
Share

Xitay iqtisadining weyran bolidighanliqigha a'it endishilerning küchiyiwatqanliqi ilgiri sürülmekte. 7- Öktebir awstraliyedin chiqidighan “Pul-mu'amile obzorliri” zhurnilida körsitishiche, gerche xelq'ara maliye fondi-IMF xitayning kéler yilliq omumiy ishlepchiqirish qimmiti töwenleydu, dep qarashni ret qilghan bolsimu, emma mulahizichiler xitay iqtisadining éghir derijide chöküsh xewpige duch kéliwatqanliqini perez qilishqan.

Bu heqtiki xewerde neqil qilishiche, amérika CITI banka guruhidiki iqtisadshunas willem bu'itér xitayning pütün dunya iqtisadini krizisqa paturush xewpi barliqini körsetken.

U mundaq dégen: biz xitay barghanche örlewatqan ejellik chöküsh xewpige qarap kétiwatidu, dep qaraymiz. Xitayning chöküshi we iqtisadiy krizisqa duch kélishidiki sewebler bolsa hemmeylen'ge melumluq. U bolsimu, xususiy sahediki derijidin tashqiri tesir küch we pul-mu'amile baziridiki eqilge muwapiq kelmeydighan normisizliqtur.

Uning bu qarashlirini gérmaniye xelq'ara banka guruhidiki aliy iqtisadshunas pétir hupérmu qollighan.

Umu bazar analizining xitay iqtisadidiki muqimsizliqlarni körsitip turuwatqanliqini, xitay iqtisadining krizisqa duch kélidighanliqigha a'it selbiy pikirlerning köpiyiwatqanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet