Xelq'ara pul fondi teshkilati xitayni iqtisadiy siyasetlirini yéngilash heqqide agahlandurdi

Muxbirimiz irade
2015-10-08
Share

Xelq'ara pul fondi teshkilati (IMF) charshenbe küni élan qilghan doklatida xitay eger maliyisige a'it islahatlirini diqqet bilen, sistémiliq qilmighan teqdirde, ilgiri körülüp baqmighan xewplerge duch kélidighanliqini bildürgen. Ular shundaqla bu xewpning dunya iqtisadighimu tesir körsitidighanliqini agahlandurghan.

Biraq, xitay merkizi bankisining emeldari yi gang péruning paytexti limadiki yighinda qilghan sözide, bu teshkilatning sözige anche étibar bermigen we “Menche ensireshning orni yoq, xitay az qalmay yene yuqiri we ottura sewiyidiki iqtisadiy zoriyishini dawam qilidu” dégen.

Firansiye agéntliqining xewer qilishiche, xelq'ara pul fondi teshkilati we dunya bankisi bu heqtiki bayanlirida, xitay eger derhal iqtisadiy siyasetliride islahat élip barmighan teqdirde, xitay iqtisadining astilishining selbiy tesirliriningmu zor bolidighanliqini agahlandurghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet