Xitay iqtisadi wirus tüpeylidin éghir buzghunchiliqqa uchrimaqta

Muxbirimiz eziz
2022-01-13
Share

Xitay hökümiti “Tajsiman wirusini nölge chüshürüsh” üchün birnechche chong sheherni arqimu-arqidin qamalgha alghandin kéyin nöwettiki omikron wariyanti sewebidin xitaydiki teminat zenjirining éghir zerbige uchrawatqanliqi barghanséri aydinglashmaqtiken.

“Blumbérg xewerliri” ning 13-yanwardiki xewiride éytilishiche, xitay nopusining 87 pirsenti waksina emligen bolsimu xitayda ishlen'gen bu waksinilarning ünümi bekla töwen bolmaqtiken. Yene bir yaqtin omikron wirusining tarqilishi ilgiriki herqandaq wariyanttin téz bolghachqa téximu köp sheherlerning yéqin kelgüside qamalgha élinishi texmin qilinmaqta iken. Bolupmu daliyen, tyenjin, shénjén qatarliq sheherlerde bu wariyant bayqalghandin buyan bu endishiler téximu ashmaqta iken. Buning biwasite netijisi xitaydiki omumiy teminat zenjiri we istémal zenjirige éghir zerbe bolidiken. Nöwette “Samsung” (Samsung) we “Alma” shirketlirining xitaydiki bir qisim zawutliri barghanséri kéngiyiwatqan “Qamal” tedbirliri tüpeylidin taqilip qélishqa yüzlenmektiken.

“Toyota” we “Wolkiswagin” shirketlirining tyenjindiki zawutliri “Yérim qamal” tedbiri tüpeylidin mal éksport qilishni toxtatqan. Bu jehettin alghanda 2022-yili xitay iqtisadining wirus tüpeylidin chékinishi aldinqi yildikidinmu éghir bolidighanliqi algha sürülmektiken.

“Bayliq” zhurnilining 13-yanwardiki obzorida éytilishiche, xitaydiki qamal tedbirliri herqaysi port sheherlirige kéngeyse u halda xitayning ékisportqa tayinip qalghan iqtisadi chékinipla qalmastin, dunya miqyasidiki teminat zenjirimu éghir zerbige uchrishi mumkin iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet