Хитай иқтисадиниң қаттиқ һалсираватқанлиқи мәлум болмақта

Мухбиримиз әзиз
2020-06-23
Елхәт
Пикир
Share
Принт

«Бломберг хәвәрлири» ниң 22-июндики хәвиригә қариғанда хитай иқтисадиниң нөвәттики әһвали өткән йилниң охшаш мәзгилигә қариғанда көрүнәрлик чекинишкә йүзләнгән. Хәвәрдә буниңдики әң муһим сәвәб қатарида йеқинқи мәзгилдики таҗсиман вирусиниң тәсири алаһидә тәкитлиниду.

Хәвәрдә ейтилишичә, қураштуруш әмгики, капиталниң чиқим қилиниши вә парчә сетиш саһәси тарихтики әң төвән сәвийигә чүшүп қалған. Бу һал бу йилниң биринчи пәслидикидин кичиккинила пәрқ қилидикән. Һәммидин еғир болуватқини парчә сетиш саһәси болуп, бу саһәниң пайда елиш нисбити ғайәт зор дәриҗидә төвәнлигән. Болупму қураштуруш саһәси әслигә кәлгән болсиму сетиш һалқисидики бир изда тохтап қелиш сәвәбидин иқтисадниң әслигә келишидә еғир қийинчилиқлар көрүлмәктикән.

Мутәхәссисләрниң пикричә, хитай иқтисадиниң өсүшидә дуняви еһтияҗниң ешип бериши муһим һалқа болуп, нөвәттә бу җәһәттә еғир чекиниш мәвҗут икән. Шу сәвәбтинму хитай иқтисади омуми җәһәттин алғанда бу йилниң биринчи пәслигә қариғанда йәттә пирсәнткә йеқин чекингән болуп, бу санниң давамлиқ ешип баридиғанлиқи тәхмин қилинмақтикән.

Пикирләр (0)
Share
Толуқ бәт