Xitay iqtisadining qattiq halsirawatqanliqi melum bolmaqta

Muxbirimiz eziz
2020-06-23
Share

"Blombérg xewerliri" ning 22-iyundiki xewirige qarighanda xitay iqtisadining nöwettiki ehwali ötken yilning oxshash mezgilige qarighanda körünerlik chékinishke yüzlen'gen. Xewerde buningdiki eng muhim seweb qatarida yéqinqi mezgildiki tajsiman wirusining tesiri alahide tekitlinidu.

Xewerde éytilishiche, qurashturush emgiki, kapitalning chiqim qilinishi we parche sétish sahesi tarixtiki eng töwen sewiyige chüshüp qalghan. Bu hal bu yilning birinchi peslidikidin kichikkinila perq qilidiken. Hemmidin éghir boluwatqini parche sétish sahesi bolup, bu sahening payda élish nisbiti ghayet zor derijide töwenligen. Bolupmu qurashturush sahesi eslige kelgen bolsimu sétish halqisidiki bir izda toxtap qélish sewebidin iqtisadning eslige kélishide éghir qiyinchiliqlar körülmektiken.

Mutexessislerning pikriche, xitay iqtisadining ösüshide dunyawi éhtiyajning éship bérishi muhim halqa bolup, nöwette bu jehette éghir chékinish mewjut iken. Shu sewebtinmu xitay iqtisadi omumi jehettin alghanda bu yilning birinchi peslige qarighanda yette pirsentke yéqin chékin'gen bolup, bu sanning dawamliq éship baridighanliqi texmin qilinmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet