"хеңда" гуруһиниң вәйран болуши хитай иқтисадидики ишәнчсизликтин бешарәт бәрди

Мухбиримиз әзиз
2021-09-21
Share

Хитайдики әң чоң өй-мүлүк ширкәтлириниң бири болған "хеңда гуруһи" өткән бирнәччә йилдин буян хитай һөкүмитиниң түрлүк бастурушлириға вә чәклимилиригә дуч келиватқан болуп, 20-сентәбирдә мәзкур ширкәтниң нйо-йорк пай чеки базиридики пайлири зор дәриҗидә чүшүшкә башлиған. Буниң билән "хеңда гуруһи" аз дегәндиму 300 милярд америка доллири қәрзгә боғулуп, һалак болушқа йүзләнгән. Буниң билән ғәрб дунясидики пул-муамилә саһәсидә һөкүм сүрүп кәлгән "хитайға мәбләғ селип пайда елиш" ни мәркәз қилған сода әндизиси еғир кризисқа дуч кәлгән.

"нйо-йорк вақти" гезитиниң бу һәқтики хәвиридә ейтилишичә, хитайдики пул-муамилә базири пүтүнләй хитай компартийәсиниң контроллуқида болуп, сода ишлирида утуқ қазиништа бейҗиң даирилириниң қанчилик қоллишиға еришиш әң муһим икән. Бу җәһәттә явропа яки америка базириға охшаш иқтисадий механизм бойичә иш көрүш асасий орунда турмайдикән. Хәлқараға тонулған иқтисадшунас муһәммәд ерян бу һәқтә сөз қилип "хәлқара пул-муамилә саһәсиниң хитайни мәбләғ салидиған базар, дәп муқимлишип қалған чүшәнчиси зор киризисларға дуч келишкә башлиди" дегән.

Мәлум болушичә, хитайдики чоң сода ширкәтлиридин болған "али баба гуруһи" му мушу хилдики контроллуқниң дәрдини көп тартқан болуп, йеқинқи мәзгилләрдә мәзкур ширкәтниң қурғучиси ма йүн (җек ма) ниң "ғайиб болуп кәткәнлики" һәққидә түрлүк тәхминләр оттуриға чиққаниди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт