"Xéngda" guruhining weyran bolushi xitay iqtisadidiki ishenchsizliktin bésharet berdi

Muxbirimiz eziz
2021-09-21
Share

Xitaydiki eng chong öy-mülük shirketlirining biri bolghan "Xéngda guruhi" ötken birnechche yildin buyan xitay hökümitining türlük basturushlirigha we cheklimilirige duch kéliwatqan bolup, 20-séntebirde mezkur shirketning nyo-york pay chéki baziridiki payliri zor derijide chüshüshke bashlighan. Buning bilen "Xéngda guruhi" az dégendimu 300 milyard amérika dolliri qerzge boghulup, halak bolushqa yüzlen'gen. Buning bilen gherb dunyasidiki pul-mu'amile saheside höküm sürüp kelgen "Xitaygha meblegh sélip payda élish" ni merkez qilghan soda endizisi éghir krizisqa duch kelgen.

"Nyo-york waqti" gézitining bu heqtiki xewiride éytilishiche, xitaydiki pul-mu'amile baziri pütünley xitay kompartiyesining kontrolluqida bolup, soda ishlirida utuq qazinishta béyjing da'irilirining qanchilik qollishigha érishish eng muhim iken. Bu jehette yawropa yaki amérika bazirigha oxshash iqtisadiy méxanizm boyiche ish körüsh asasiy orunda turmaydiken. Xelq'aragha tonulghan iqtisadshunas muhemmed éryan bu heqte söz qilip "Xelq'ara pul-mu'amile sahesining xitayni meblegh salidighan bazar, dep muqimliship qalghan chüshenchisi zor kirizislargha duch kélishke bashlidi" dégen.

Melum bolushiche, xitaydiki chong soda shirketliridin bolghan "Ali baba guruhi" mu mushu xildiki kontrolluqning derdini köp tartqan bolup, yéqinqi mezgillerde mezkur shirketning qurghuchisi ma yün (jék ma) ning "Ghayib bolup ketkenliki" heqqide türlük texminler otturigha chiqqanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet