Xitay ishsizlirining Uyghur diyaridiki ma'arip sahesige “Yardem” ge chaqirtiliwatqanliqi melum

Muxbirimiz eziz
2017.09.20

Xitay hökümitining yillardin buyan Uyghur diyarida zor küch bilen ijra qilip kéliwatqan “Qosh tilliq ma'aripni omumlashturush” namida xitay tilini asas qilishtek yek tilliq ma'arip endiziside körülgen yéngi yüzlinishler her sahe kishilirining diqqitini qozghashqa bashlidi.

“Aqsu axbarat tori” ning 20-séntebirdiki xewiride éytilishiche, Uyghurlar diyarigha yéngidin xizmetke qobul qilin'ghanlardin 7 ming xadim teklimakan boyigha jaylashqan “Üch wilayet, bir oblast” tewelikidiki ma'arip xizmitige “Qosh til” oqutushi boyiche yardemge ewetilgen.

Xitay hökümitining biwasite bashqurushidiki shinxu'a agéntliqining xewiride bolsa “Bu yil küzdin bashlap hökümet her yili jenubiy shinjang rayonigha 5 ming kishini yeslilerde qosh til oqutquchisi bolushqa ewetidu”, déyilidu. 

Melum bolushiche, bu yil kirgendin buyan ichkiri ölkilerdiki xitaylar nahayiti yuqiri ma'ash bilen Uyghur diyarida memuriy xadim yaki oqutquchi bolushqa chaqirilghan idi. Halbuki közetküchiler, aliy mekteplerni püttürgen minglighan Uyghur oqughuchilarning Uyghur diyarida ishsiz yürüshi rayondiki eng chong ijtima'iy mesililerning biri, dep qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.