Bu yil awghust xitayning mulazimet saheside töwenlesh körülgen

Muxbirimiz jüme
2017-09-02
Share

Xitayning mulazimet sahesidiki ösüsh nisbitide bu yil awghust töwenlesh körülüp, ösüsh nisbiti 2016- yili maydin buyanqi eng towen chekke chüshken.

Xitay hökümiti élan qilghan xam eshya sétiwélish körsetküchige qarighanda, mulazimet sahesidiki ösüsh awghustta töwenlep, iyuldiki 54.4 Po'inttin awghustta 53.4 Po'intqa chüshken.

Roytérsta bérilgen bir parche xewerge qarighanda, mulazimet sahesi xitay iqtisadining yérimidin köprekini teshkil qilidiken. Xitay da'iriliri jan-jehli bilen meblegh sélish we éksportqa tayinip özining iqtisadiy ösüsh nisbitini qayta balans qilishni közligen.

Netijide xitayning mulazimet sahiside töwenlesh körülgen bolsimu, ishlep chiqirish sahesidiki sétiwélish körsetküchi bu ay aldin perez qilin'ghan'gha qarighanda mu'eyyen derijide ösken.

Xitay élan qilghan sanliq melumatlargha qarighanda, xitayning sana'et we ishlepchiqirish sahesidiki xam eshya sétilish körsetküchi awghustta sel ösken we iyuldiki 51.4 Po'inttin örlep awghustta 51.7 Po'intqa Chiqqan.

Emma CNBC xewerler torida körsitishiche, bu xil ösüshini meblegh sélish sahesi we métal bahasidiki ösüsh keltürüp chiqarghan bolup, bu xil ösüshni dawamlashturush tes iken.

Xewerde neqil élishiche, bash shitabi london'gha jaylashqan "Kapital iqtisadshunasliq tetqiqat orni" diki xitay tetqatchisi juliyan éwan mundaq dégen: "Zawutlarning éhtiyajdin artuq ishlepchiqirish salmiqini qisqartish heqqidiki gumanlar soda-sana'etke ishlitilidighan halqiliq métallarning bahasini üstürüwetti. Bizning perizimizche bu ösüshte shu métal bahasidiki ösüsh eks étidu."

U yene mundaq dégen: "Bu yélining yene bir charikide meblegh sélish chiqmighigha qaritilghan siyaset dawamliq chingiydighan bolsa, menche, sana'et saheside körülgen nöwettiki ösüsh nisbitini uzaqqiche saqlap qalmaq intayin tes."

Xewerde körsitishiche, yaponiyediki "Nomura" tetqiqat ornimu öz analizlirida xitay öy-mülük bazirining astilishigha egiship, xitay iqtisadining qedemmu qedem töwenleydighanliqini körsetken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet