Amérikadin ghayet zor sanliq melumatlarni oghrilap ketkenler xitayning herbiy qisimliri iken

Muxbirimiz eziz
2020-02-11
Share

Birleshme agéntliqning 10-féwraldiki xewiride éytilishiche, 2017-yili amérikaning kompyutér tor sistémisigha oghriliqche kirip, 140 milyon amérika puqrasining xususiy uchurlirini oghrilap kétish weqesi xitay herbiy qisimlirigha chétishliq iken.

10-Féwral küni amérika edliye ministirliqi bu heqte bayanat élan qilip: "Béyjing da'irilirining mislisiz tor xakkérliqi arqiliq bunche köp puqraning xususiy uchurini oghrilishi tarixta az körülgen weqe" dégen. Shu qétimda kishilerning isim-familisi, adrési, ijtima'iy bixeterlik nomuri (SSN), shopurluq kinishkisi dégendek uchurlar toluq oghrilan'ghaniken.

Bu qétim eyiblen'gen töt eyibkar xitay xelq azadliq armiyesige baghlinishliq xadimlar bolup, ular amérakidiki xéridarlar melumatini toplashtiki eng chong shirketlerdin biri bolghan Equifax shirkitining kompyutér sistémisini nishan qilghan. Emma bu eyibkarlarning héchqaysisi téxi hazirche amérika hökümitining qolida emes iken. Edliye ministirliqi bu heqte bergen bayanatida: "Biz bu arqiliq barliq xakkérlargha shuni démekchimizki, biz bilen oynashmanglar. Biz silerni tapalaymiz" dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet