Хитай җасуслуқ оргини уйғур қатарлиқ тилларни билидиған оқуғучилардин хадим қобул қилидикән

Мухбиримиз җүмә
2016-02-21
Елхәт
Пикир
Share
Принт

Хитай дөләт бихәтәрлик министирлиқи уйғур, тибәт, моңғул, қазақ тиллири вә бир қисим чәтәл тиллирини билидиған алий мәктәп оқуғучилирини өзлиригә хадим болуп ишләшкә җәлп қилишқа башлиған.

«Ню - йорк вақит гезити» ниң 19 - февралдики хәвиригә қариғанда, бу һәқтики бир хизмәт елани шәрқий җуңго педагогика университети тор бетигә чапланған. Хәвәрдә еланниң қачан чапланғанлиқи көрситилмигән болсиму, әмма еланниң чаплинип узун өтмәй тор бәттин елип ташланғанлиқи илгири сүрүлгән.

Еланниң тор йүзидин тартилған рәсимигә қариғанда, кандидатларниң 2016 - алий мәктәпни пүттүридиған оқуғучилардин таллинидиғанлиқи, уларниң толуқ курс яки униңдин юқири мәлуматқа игә болғандин башқа, «компартийә рәһбәрликини һимайә қилидиған», «дөләт бихәтәрликини қизғин сөйидиған» болуши шәрт қилинған.

Хәвәрдә көрситишичә, бу еланни шаңхәй шәһәрлик дөләт бихәтәрлики идариси чиқарған. Гезитиниң бу һәқтики соаллириға җаваб бәргән мәктәп хизмәт тонуштуруш орнидики хе ханим еланниң растлиқини дәлиллигән вә көплигән оқуғучиларниң илтимас қилғанлиқни билдүргән.

У йәнә шаңхәй дөләт бихәтәрлики идарисиниң һәр йили улар билән хизмәтчи қобул қилиш ишида алақә қилидиғанлиқини ейтқан.

Хәвәрдә хитай һөкүмитиниң хитай болмиған милләтләрниң тилини билидиғанларни хизмәткә қобул қилиши уйғур қатарлиқ милләтләрни тәқибләшни мәқсәт қилидиғанлиқидин дерәк беридиғанлиқи илгири сүрүлгән.

Пикирләр (0)
Share
Толуқ бәт