Америка федератип тәкшүрүш идарисигә йошурунған хитай җасус қолға елинди

Мухбиримиз әзиз
2020-08-19
Share

Йеқинда америка қанун орунлири узун йиллардин буян мәркизий ахбарат идариси (CIA) да хитай һөкүмити үчүн җасуслуқ қилип кәлгән юк чиңмани рәсмий қолға алди.

"нйо-йорк вақти" гезитиниң 18-авғусттики хәвиридә ейтилишичә, толуқ исми александир юк чиңма болған бу хитай әслидә хоңкоң пуқраси болуп, 1980-йиллардин буян мәркизий ахбарат идарисидә ишлигән. 2000-Йилидин кейин федератип тәкшүрүш идарисигә йөткәлгән икән.

Хәвәрдә ейтилишичә, бу йил 67 яшқа киргән җасус гумандари юк чиңма вә униң йәнә бир туғқини 2001-йили мәркизий ахбарт идариси хадимлириниң хусусий учурлирини, шуниңдәк уларниң хитайдики "көз-қулақлири" билән болған алақини қандақ йошурудиғанлиқи һәққидики бир қисим мәхпий мәлуматларни хитай истихбарат орунлириға йәткүзүп бәргән. Буниң бәдилигә униңға хитай сақчилири 50 миң доллар бәргән. юк чиңма өткән һәптә қолға елинған болуп, униңға өмүрлүк қамақ җазаси берилидиғанлиқи еһтималға толиму йеқин икән.

Америка қанун орунлириниң билдүрүшичә, 2010-йилидин 2012-йилиғичә болған арилиқта америка мәркизий ахбарат идарисиниң хитайдики нәччә онлиған "көз-қулақ" лири уштумтутла қолға елинип, етип ташланған. Буниң билән американиң хитайдики барлиқ ахбарат топлаш тори бирақла вәйран қиливетилгән икән. 2019-Йилиниң өзидила мәркизий ахбарат идарисиниң хадимлиридин икки киши хитайға җасуслуқ қилиш билән әйиблинип, 20 йиллиқтин қамаққа һөкүм қилинған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт