Xitay xakkérliri amérikining uchquchisiz ayropilan mexpiyetlikini oghrilashqa tirishqan

Muxbirimiz jüme
2013-09-21
Élxet
Pikir
Share
Print

Xitayning shangxeydiki xakkérliri amérika qatarliq elliridiki 20 mige yéqin dölet mudapi'e shirkitige qarita tor jasusluqi qozghap, mexsus uchquchisiz ayropilan téxnikisini oghrilighan.

"Nyu - york waqit" gézitining tor bixeterlik mutexessislirining éytqanliridin neqil élip xewer qilishiche, bularning asasliq meqsiti amérikining uchquchisiz ayropilan mexpiyetlikini oghrilash iken.

Shangxeyge jaylashqan bu xakkérlar guruppisi uchquchisiz ayropilan téxnikisini oghrilash herikitini ikki yil dawamlashturghan.

Xewerde neqil élishiche, kaliforniyege jaylashqan tor bixeterliki shirkiti - "Atesh köz" yeni "FireEye" shirkiti mudiri daryen kindlund mundaq dégen: bu ezldin körülüp baqmighan derijidiki uchquchsiz ayropilan téxnikisi oghrilash herikiti. Bu xitay hökümitining uchquchisiz ayropilan yasash iqtidarini östürüsh pilani bilen jipsilishidu.

Melum bolushiche, amérikigha qaritilghan bu tor jasusluq herikitini xitaydiki "Comment Crew" yeni "Teqriz etriti" namliq xakkérlar guruppisi qozghighan bolup, bu xitay hökümitining uchquchisiz ayropilan téxnikisigha qanchilik derijide qiziqiwatqanliqini körsitidiken.

Toluq bet