Xitayning “Antitérrorluq qanuni” amérika nazuk téxnika shirketliride endishe qozghidi

Muxbirimiz erkin
2015.02.27


Xitayning Uyghur qarshiliq heriketlirige taqabil turush meqsitide teyyarlighan “Térrorluqqa qarshi turush qanuni” amérika nazuk téxnika shirketlirining endishisini qozghighan.

Roytérs agéntliqining ilgiri sürüshiche, mezkur qanun ijra qilinsa, xitayda soda qilidighan alma, mikrosoft qatarliq amérika nazuk téxnika shirketlirining soda mexpiyetlik mesilisige taqilip, amérika - xitay otturisida tor bixeterlik, téxnologiye siyasitidiki yene bir qétimliq ixtilapini peyda qilidiken.

Xitayning mezkur qanun layiheside, xitaydiki chet'el nazuk téxnika shirketlirining mexpiy shifirlash achquchini xitaygha tapshurup, kompyutérigha bixeterlik sünggüchi orunlashturush telep qilin'ghan.

Roytérsning qeyt qilishiche, amérika nazuk téxnika shirkitidin bir menbe, “Bu xitayda soda qilidighan her kim üchün bir apettur. Buningda, siz hergiz> mewhum xususi tor> qanallirining ulinishigha kapaletlik qilalmaysiz. Bixeter soda almashturushi yaki herqandaq shirket mexpiyetlikini saqliyalmaysiz. Qanun arqiliq héchqandaq mexpiyetlikingiz qalmaydu” dégen.

Xitay xelq qurultiyi xitayning tunji térrorluqqa qarshi turush qanun layihesini charshenbe küni muzakirige qoyghan. Mezkur qanun, xitay amanliq küchlirining hazirqi Uyghur kishilik hoquqigha buzghunchiliq qilish herikitini qanunlashturidu, dep tenqid qilin'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.