Америкиниң флорида штатида яшайдиған бир хитай аял җасуслуқ җинайити билән қолға елинған

Мухбиримиз җүмә
2016-04-23
Елхәт
Пикир
Share
Принт

Америкиниң флорида штатида яшайдиған бир хитай аял америка қатарлиқ дөләтләрдин сетивалған деңиз астини адәмсиз тәкшүрүш үскүниси запчаслирини хитай һөкүмәт игидарчилиқидики бир һәрбий университетқа йоллап бәргәнлики үчүн 21 - апирил җасуслуқ җинайити билән қолға елинған.

«Хәвәр һәптилики» журнилиниң билдүрүшичә, йү амин исимлик бу хитай аял әсли харбин санаәт университетиниң тәтқиқатчиси болуп, у, мәзкур мәктәптә 1998 - йили америкиға кәлгүчә ишлигән.

Лекин йү америкиға келип узун өтмәй, йәни 2002 - йилидин 2014 - йилиғичә болған арилиқта америка, канада вә явропа ширкәтлиридин запчас сетивелишқа башлиған. Кейин мәзкур запчасларни почта арқилиқ хитай деңиз армийәсигә адәмсиз су асти тәкшүрүш үскүниси ясаш программисиға мәсул болған харбин университетидики бир профессориға йоллап бәргән.

У таможна һөҗҗәтлиригә ялған учурларни толдурған.

Йү «америкида мәңгүлүк туруш рухсити» гә еришкән хитай пуқраси болуп, флоридада бир университетта вақитлиқ ишлигән.

Хәвәрдә көрситишичә, у, америкида қанунсиз җасуслуқ қилиш, пул ююш, сахта експорт һөҗҗәтлири ясап чиқиш қатарлиқ җинайәтләр билән қариланған.

Америка федератсийә тәкшүрүш идариси хитайниң америкиға қаратқан иқтисадий җасуслуқ һәрикитиниң йеқидин буян 50 пирсәнт ашқанлиқини билдүргән.

Өткән һәптә америкиниң деңиз армийә офитсери едвард линниң хитайға һәрбий мәхпийәтликләрни йәткүзүш гумани билән қолға елинғанлиқи ашкариланған.

Едвард линниң әсли исми лин җйеляң болуп, тәйвәндә туғулған вә 14 йешида ата - аниси билән америкиға келип йәрләшкән, 2008 - йили америка пуқралиқиға өткән икән.

Мәлум болушичә лин җйеляң 8 ай аввал америкиниң һавай арилидин хитайға қарап учуш алдида қолға елинған. Иди.

Пикирләр (0)
Share
Толуқ бәт