Хитай җәнубий деңизда раст оқ ишлитилгән һәрбий маневир елип барған

Мухбиримиз җүмә
2016-07-09
Share

Хитай ахбаратиниң шәнбә күни хәвәр қилишичә, хитай деңиз армийәси җәнубий деңизда раст оқ ишлитилгән һәрбий маневир елип барған.

Маневирға хитайниң су асти парахотлири, уруш парахотлири вә күрәшчи айропиланлириму қатнашқан. Хитай җәнубий деңиздики маневирни5 - июл башлиған болсиму, бүгүнки маневирниң охшимайдиған йери маневирда рәсмий оқ ишлитилгәнликидә икән.

Гәрчә хитай даирилири бу маневирниң алдин пиланланған адәттики маневир икәнликини илгири сүргән болсиму, буниң хәлқара сот филиппин земин дәваси үстидин чрқиридиған сот нәтиҗисиниң алдиға тоғра келиши диққәт чәккән.

Филиппин даирилири хитайниң җәнубий деңиздики йәр игиләш һәрикитигә қариши 3 йил аввал хәлқара сотқа әрз сунған, хәлқара сот өткән йили күздә филиппинниң шикайитигә бир қетим қарап чиққан вә 6 - июл мәзкур шикайәт үстидин қарар чирқириған сотни башлиған. Һалбуки хитай бу қетимқи сотни байқут қилған иди.

Хитайниң мәркизий телевизийәси истансиси бу һәқтики бир хәвиридә мәзкур маневирниң хитай деңиз армийәсиниң һәрбий һазирлиқини синашни мәқсәт қилғанлиқини көрсәткән.

Хитайниң мәзкур маневири башлиништин илгири вийетнам маневирға наразилиқ билдүргән.

Хитай җәнубий деңизниң спрател вә парасел тақим араллири тәвәсидә бир қисим хада ташларни тиндуруп сүний аралларни ясашни башлиғандин кейин, хитайниң бу һәрикити деңизға чегрилинидиған вийетнам, малайсия,бируней вә филиппин қатарлиқ дөләтләрниң қаршилиқиға учриған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт