Uyghur éligha kelgen xitay kadirlar herbiy meshiq we mudapi'elinish terbiyisi alghan

Muxbirimiz irade
2017-03-08
Élxet
Pikir
Hembehr
Print
  • Print
  • Hembehr
  • Pikir
  • Élxet

Tengritagh torida bérilgen xewerdin melum bolushiche, shinjanggha nishanliq yardem bérish dégen nam bilen qeshqerge ep kélin'gen 595 neper kadir herbiy meshiqnimu öz ichige alghan bir heptilik terbiyileshtin ötküzülgen.

Xewerde diqqet qozghaydighini, 19-féwraldin 28-féwralghiche bir hepte dawam qilghan bu terbiyilesh yépiq shekilde ep bérilghan bolup, u mexsus témilarda ders sözlesh, siyasetni chüshendürüsh, neq meydanda ders bérish, aldini élish, mudapi'elinish we herbiy meshiq qatarliq türlerni öz ichige alidiken.

Xitay taratquliri 9- türkümde shinjanggha nishanliq yardem bérish namida uyghur éligha jem'iy 4000 din artuq kadir kelgenlikini we ularning özliri barghan herqaysi sheher, nahiyilerdiki ammining qizghin alqishigha érishkenlikini keng teshwiq qiliwatqan bir waqitta, bu kadirlarning yene néme üchün herbiy meshiq we mudapi'elinishtin ders alghanliqi, ulargha yépiq ishik arqisida némilerning déyilgenliki chet'ellerdiki uyghur közetküchilirining diqqitini qozghidi. Ular buni, yerliktiki ammining emeliyette xitay da'iriliri teshwiq qilghanning eksiche, shinjanggha yardem bérish dégen nam bilen türküm-türkümlep toshup kéliniwatqan xitaylardin qattiq narazi ikenlikining bir ipadisi bolushi mumkin dep qarimaqta.

Toluq bet