Из-дерәксиз йоқап кәткән хитай карханичиниң пайчеки қаттиқ чүшүп кәтти

Мухбиримиз әркин
2017-02-03
Share

27‏-январ хоңкоңда из-дерәксиз йоқап кәткән канадалиқ хитай карханичи шяв җйәнхуаниң контроллуқидики бәзи ширкәтләрниң пайчеки қаттиқ чүшүп кәткән.

Униң хоңкоңдики баш ширкити җүмә күни баянат елан қилип, ширкәтниң тиҗарити нормал кетиватқанлиқини билдүргән болсиму, әмма бу пайчекиниң давамлиқ чүшүп кетишини тосуп қалалмиған. Ройтерсниң хәвиридә қәйт қилишичә, шяв җйәнхуа контрол қилип турған ички моңғолдики икки ширкәтниң пай чеки җүмә күни 10% чүшүп кәткән. Шяв җйәнхуниң из-дерәксиз йоқап кетиши хоңкоңда зор ғулғула қозғиған иди.

Хоңкоң сақчилириниң ройтерс агентлиқиға билдүрүшичә, у 27‏-январ хитайға кирип кәткән. Сақчилар ройтерс агентлиқиға бәргән учурида, хитай даирилиридин униң из-дерикини қиливатқанлиқини билдүргән.

Шяв җйәнху 27‏-январ ғайиб болуп 2‏-күни хоңкоң гезитлиридә униң қисқа баянати елан қилинған. У баянатида, өзиниң давалиниш үчүн сиртқа чиқип кәткәнликини билдүргән иди. Хитай ташқи ишлар министирлиқи баянатчиси лу каң җүмә күни бу вәқәгә пикир баян қилишни рәт қилған. Канада ташқи ишлар министирлиқи баянатчиси, канаданиң йәрлик даириләр билән алақилишиватқанлиқини билдүргән.

Хитай һөкүмити 1997‏-йили хоңкоңни өткүзүвалғанда, униң ички ишлириға арилашмаслиққа, әдлийә мустәқиллиқиға һөрмәт қилишқа вәдә бәргән. Бирақ,хитай аманлиқ органлириниң йеқиндин бери хоңкоңға кирип, өктичиләрни мәхпий тутуп чиқип кетиши хоңкоң пуқралириниң қаттиқ наразилиқини қозғап келиватқан иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт