"Bir belwagh, bir yol" qurulushi xitay karxanilirigha zor iqtisadiy menpe'et élip kelmekte

Muxbirimiz eziz
2016-10-24
Share

Xitay hökümiti üch yildin buyan yolgha qoyup kéliwatqan "Bir belwagh bir yol qurulushi" eslide qedimiy "Yipek yoli" boyidiki herqaysi memliketler we rayonlar otturisida iqtisadiy alaqini we hemkarliqni janlandurush meqsitide tüzülgen idi.

Emma türlük melumatlar mezkur siyasetning ijra qilinish da'irisidiki muhim rayonlardin bolghan Uyghurlar diyarida bu siyasetning asasiy menpe'etdarlirining yerlik Uyghurlar emes, belki xitay köchmenliri boluwatqanliqini isharet qilmaqta.

"Xitay xelq radiyo istansisi" ning 23-öktebirdiki rusche xewiride ürümchidiki "Éma shirkiti" nuqtiliq halda tonushturulghan hemde xitayning "Bir belwagh bir yol" istratégiyisi wujudqa chiqarghan emeliy ünüm süpitide teswirlen'gen. Shirket diréktori chén chyang bu heqte toxtilip "Biz hazir ottura asiyada köpligen hul mu'esse qurulushi bilen meshghul boluwatimiz. Özbékistandiki 440 milyon somluq köwrük qurulushi ene shularning biri" dégen. Uning éytishiche, uning shirkiti yéqinda qazaqistanda üch milyard somluq tashyol qurulushini bashlaydiken.

Melum bolushiche, bu xildiki shirketlerning ishchiliri herqachan xitay ölkiliridin toplan'ghan xitay köchmenliri bolup, yerlik xelqtin héchqandaq emgek küchi qobul qilinmaydiken. Mutexessisler bu halni "Irqiy kemsitish hadisisining bir türlük ipadilinishi" dep qarawatqan bolup, Uyghurlar diyaridiki bir qisim toqunushlarning mana mushu xil xizmet pursitidiki tengpungsizliq tüpeylidin kélip chiqiwatqanliqi algha sürülmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet