Xitay hoquq qoghdighuchisi besh yilliq qamaq jazasigha höküm qilindi

Muxbirimiz ümidwar
2016-10-09
Share


Radi'omiz gu'angdung bölümining xewer qilishiche, buningdin üch yil ilgiri “Nurluq junggogha yürüsh” pa'aliyitini bashlighuchi, hoquq qoghdighuchisi xu'ang mingshün yéqinda xubéy ölkisi shyenning sheherlik ottura sot mehkimisi teripidin “Dölet hakimiyitini aghdurushqa urunush” jinayiti bilen eyiblinip, besh yilliq qamaq jazasigha höküm qilinip, siyasiy hoquqidin üch yil mehrum qilin'ghan.

Melum bolushiche, bu yil 26 yashqa kirgen xu'ang mingshün üstidin 9 - ayning 30 - küni sot échip höküm élan qilish békitilgen bolsimu, emma uning üstidin chiqirilghan sot hökümining waqti 9 - ayning 28 - küni bolghan.

Xu'ang mingshün özining bashqa töt sepdéshi bilen birge 2013 - yili, gu'angdungdin “Nurluq junggo chüshini emelge ashurush yürüshi”dep atalghan pa'aliyetni bashlap, 2013 - yili, 5 - ayning 25 - küni xubéy ölkisining chibi shehirige kélip, sheherlik hökümet aldida démokratiyini teshwiq qilip, ammini démokratiyini ilgiri sürüshke chaqirghanda saqchilar teripidin 1 5künlük möhlet bilen tutup turulushqa uchrighan, emma, axirida xu'ang mingshün we uning ikki sepdéshi resmiy qolgha élin'ghan.

Xu'ang mingshün ene shuningdin tartip tutup turush ornida yatqinigha üch yil töt ayda bolghanda uninggha besh yilliq qamaq jazasi hökümi qilin'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet