Хитай һөкүмити ақ ташлиқ китаб елан қилип, өзиниң 70 йиллиқ кишилик һоқуқ хатирисини ақлиди

Мухбиримиз әркин
2019-09-23
Елхәт
Пикир
Share
Принт

Хитай һөкүмити22 ‏-сентәбир күни «кишилик һоқуқ ақ ташлиқ китаби» елан қилип, өзиниң хитай компартийәси һакимийәт сориған 70 йилдин бери хитайниң кишилик һоқуқ саһәсидә нурғун утуқларға еришкәнликини илгири сүрди.

«Хәлқниң хушаллиқини издәш: хитайниң 70 йиллиқ кишилик һоқуқ тәрәққияти» намлиқ ақ ташлиқ китабта яшаш һоқуқиниң1 ‏-номурлуқ кишилик һоқуқ икәнлики тәкитлинип, бу 70 йилда хәлқниң һәр хил кишилик һәқ-һоқуқлириниң һөрмәт қилинғанлиқи вә капаләткә еришкәнликини билдүргән. Лекин ақ ташлиқ китабта 1950‏-йилларниң башлиридики «әксилинқилабчиларни бастуруш», 1950‏-йилларниң ахиридики оңчиларға зәрбә бериш, 1960‏-йилларниң башлиридики ачарчилиқ, «мәдәнийәт инқилаби» дики зиянкәшликләр вә дәвримиздә 2 милйондәк уйғурниң «террорлуқ», «әсәбийлик» кә қарши туруш намида лагерларға қамилип, аилилириниң вәйранчилиққа учриши, уйғур җәмийитиниң омумйүзлүк тәқиб қилиниши тилға елинмиған. 

Ақ ташлиқ китабта қәйт қилинишичә, «өткән 70 йилда хитай миллити орнидин дәс турған, гүлләнгән вә бай болған. Хәлқниң барлиқ түп һоқуқлириға техиму яхши һөрмәт қилинған вә капаләткә игә болған. Хитай хәлқара кишилик һоқуқ ишлириға төһпә қошқан» икән. Лекин мәзкур ақ ташлиқ китаб америка һөкүмити дүшәнбә күни б д т да хитайниң 2 милйондәк уйғурни йиғивелиш лагерлириға қамиғанлиқиға қарши һәрикәт қозғиған күнниң һарписида елан қилинди. 

Америка ташқи ишлар министири майк помпейо йәкшәнбә күни хитайниң уйғур районидики бастуруш һәрикитиниң «террорлуқ» билән мунасивити йоқлуқини, хитайниң һәрикитиниң уйғурларни йоқитишқа қаритилғанлиқини билдүргән. Майк помпейо дүшәнбә күни б д т да диний әркинлик йиғини чақирған. Йиғинға президент трамп, муавин президенет майк пәнс, б д т баш катипи гутеррис қатарлиқлар қатнашқан. Йиғинда илһам тохтиниң қизи җәвһәр илһам сөз қилип, дуняни уйғурларни қоғдашқа чақирған иди.

Пикирләр (0)
Share
Толуқ бәт