Xitayda bir kitab sodigiri 5 yilliq qamaqqa höküm qilindi

Muxbirimiz ümidwar
2017-02-12
Share


Xitayning gu'angshi ju'angzu aptonom rayonidiki gu'angshi pédagogika uniwérsitéti neshriyat guruhining béyjingdiki shirkitining kitab sétishqa mes'ul tehriri dey shölin ötken yili 5-ayda amanliq da'iriliri teripidin tutqun qilin'ghandin kéyin, yéqinda uning üstidin resmiy sot hökümi élan qilinip, uninggha "Qanunsiz neshr buyumlirini tarqitish" jinayiti artilip besh yilliq qamaq jazasigha höküm qilin'ghan.

Amérika awazining xongkongda chiqidighan "Mingpaw" gézitidin neqil élishiche, dey shölinning "Qizil quyash qandaq kötürülgen?" qatarliq xitay hökümiti teripidin qanunsiz eserler tizimlikige kirgüzülüp tarqitish cheklen'gen ming parchidin artuq kitabni tarqatqanliqi, yene kélip mezkur qanunsiz eserlerning xongkong we teywende neshr qilin'ghanliqi eyiblen'gen.

30 Yashliq dey shölin ötken yili 5-ayda ghayib bolghandin kéyin, uning saqchilar teripidin 9-ayda béyjingda, uning bir shérikining 7-ayda nenjingde tutulghanliqi melum bolghan. Saqchilar uning iskilatidin 291 parche kitab tapqan bolup, bu kitablarning 288 parchisi qanunsiz neshr buyumliri dep békitilgen iken.

Kitab sodigiri we tehrir dey shölinning qismiti xongkong tonglowen kitabxanisining besh neper xadimi uchrighan qismet bilen oxshash chong weqe dep qaralmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.