Xitay kompartiyesining 5 - omumiy yighini bashlandi
2015.10.25
Düshenbe künidiki xitay kompartiyesining 18 - qurultiyi 5 - omumiy yighinida qandaq mesililerning asasliq muhakime qilinidighanliqini diqqetke sazawer bolup, b b s agéntliqining xewer qilishiche, 5 - omumiy yighinda asasiy nuqta süpitide iqtisadiy mesililerning muzakire qilinidighanliqi we kelgüsi 5 yilliq iqtisadiy pilanning muhakime qilinidighanliqi perez qilinmaqta.
Chünki, iqtisadshunaslarning közitishiche, xitayning iqtisadiy tereqqiyati yéqinqi 5 yildin buyanqi eng astilashqan, aksiye baziri weyran bolushqa uchrighan bir weziyetke duch kelgen idi. Lékin, shinxu'a agéntliqi 5 - omumiy yighin harpisida maqale élan qilip, ötken 12 - besh yilliq plan'gha yuqiri baha bérip, 12 - besh yilliq pilanni“Islahat échiwétishning büyük tarixi musapisidiki abidilik ehmiyitige ige 5 yil” dep atidi.
Lékin, analizchilar 5 - omumiy yighinda iqtisadiy mesilidin bashqa yene belki ilgiri jazalan'ghan bir qisim kompartiye merkiziy komitét ezaliri we kandidat ezalirining ornini toluqlash ishimu élip bérilishi mumkinlikini otturigha qoymaqta.
18 - Qurultayning 5 - omumiy yighini 26 - öktebirdin bashlap, 4 kün béyjingda échilidu.