B d t xitay hökümitining tesirige uchrash bilen eyiblendi

Muxbirimiz irade
2017-05-23
Share

Xitay hökümitining özining iqtisadiy küchidin paydilinip, öktichi awazlarni jimiqturush herikitining küchiyiwatqanliqi diqqet qozghimaqta.

23-May seyshenbe küni kishilik hoquqni közitish teshkilati xitay ishliri diréktori sofi richardson bu heqte bayanat élan qilip, xitayning kishilik hoquq depsendichilikining birleshken döletler teshkilatighimu tesir körsitiwatqanliqini tenqid qildi.

U bayanatida, bu yil 26-aprél küni dunya Uyghur qurultiyi bash katipi dolqun eysaning teklipke bina'en b d t ning nyuyorktiki bash orginida ötküzülgen "Yerlik milletlerning menggülük munbiri" de Uyghur mesilisini anglitishqa kelgende, b d t binasidiki bixeterlik xadimliri teripidin yighin meydanidin mejburiy halda chiqiriwétilishi, bundin bashqa yene, bu yil birinchi ayda xitay dölet re'isi shi jinping b d t ning jenwediki binasini ziyaret qilghanda shu yerdiki hökümetke qarashliq bolmighan musteqil organlarning binagha kirishige ruxset qilinmighanliqi we shuningdek b d t bash katipi antoniyu guttérsning xitayning kishilik hoquq xatirisini tilgha élipmu qoymighanliqidek misallarni tekitligen.

U: "Birleshken döletler teshkilati rehberliri aldi bilen kishilik hoquq depsendichilikige köz yumuwalidighan bundaq 'illet' tin yiraq turushi, kishilik hoquq mesilisidiki tüwrüklük rolini qoghdishi kérek" dep eskertken. Shundaqla u yene, b d t ni xitay hökümitining kishilik hoquq depsendichilik heriketlirige inkas qayturushqa chaqirghan.

B d t da'iriliri eyni chaghda dolqun eysa ependini yighin'gha qatnishishtin cheklishi heqqide éniq bir seweb körsetmigen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.