Qeshqer tewesidiki melum bir yézida déhqanlar qoghdinish puli tapshurushqa mejburlan'ghan

Muxbirimiz jüme
2013-05-04
Élxet
Pikir
Share
Print

Bir Uyghur tordash yolighan höjjetlik matériyalgha qarighanda, qeshqer tewesidiki melum bir yézida déhqanlar qoghdinish puli tapshurushqa mejburlan'ghan.

Bu heqte toxtalghan bir mulahizichi bu xil qoghdinish pulining mafiye (qara jem'iyet) xojayinliri tijaretchilerni qaqti - soqti qilip yighiwalidighan qoghdinish pulidin héch perqsiz iken.

Bizge kelgen bu heqtiki uqturushni mekit nahiye shéhitdöng yéza chongqur mehelle kent partikomi tamgha bésip tarqatqan.

Uqturushta mundaq körsitilgen: kentimizde turup kentimizning amanliqini qoghdawatqan xelq eskerlirining turmush mesilisini hel qilish üchün, kentimizdiki partiye ezaliri muzakire qilish arqiliq kentimizde turushluq barliq ahalilerdin 2012 - yilliq 50 yüendin muqimliq xirajiti yighishni qarar qildi.

Uqturushta körsitishiche, mezkur qarar "Yuqiri derijilik orunlarning orunlashturushigha asasen" chiqirilghan.

Nam - sheripini mexpiy tutqan yawropadiki bir mulahizichi mundaq dédi: elwette buning mafiyedin perqi yoq. Bu yerde mesile: kimni némidin qoghdaydu? bu éniq emes. Démekchimenki bu atalmish muqimliq yene Uyghur déhqanlirini qaqti - soqti qilidighan qoralgha aylinip qalghan.

U yene mundaq dédi: bu menteqe peqet zorawan hakimiyet yaki bir qisim qara jem'iyet xojayinlirigha mensup. Shunga bu, xitay rehberlirini melum jehettin éytqanda bir qara jem'iyet xojayinliri dep atashqimu bolidighanliqining delili.

Bu xildiki tüzümlerning Uyghur élining bashqa jaylirida yolgha qoyulghan yaki qoyulmighanliqi hazirche namelum.

Toluq bet