Xelq'ara maliye fondi shirket qerzining xitay iqtisadigha xewp ikenlikini bildürdi

Muxbirimiz jüme
2016-06-11
Share


Xelq'ara maliye fondi xadimi xitayni barghanche köpiyiwatqan shirket qerzining xitay iqtisadigha sistéma xaraktérlik xewp élip kélishi mumkinliki heqqide agahlandurghan.

Roytérsning xewer qilishiche, xelq'ara maliye fondining mu'awin diréktori deywid lipton bu sözlerni shenbe küni shénjénda iqtisadshunaslargha sözligen bir nutqida otturigha qoyghan.

U mundaq dégen:"Bügünki shirket qerzliri, ete bir sistéma xaraktérlik mesilige aylinishi mumkin. Sistéma xaraktérlik qerz mesilisi iqtisadiy ösüshke éghir derijide eks tesir körsitidu yaki banka krizisi keltürüp chiqiridu yaki her ikkilisige seweb bolidu."

Xewerge qarighanda, xitay merkiziy bankisi ötken hepte élan qilghan yil otturisidiki xizmet doklatida hökümetni qerz derijisini töwenlitishke chaqirghan.

Liptonning qarishiche, xitaydiki shirketlerning omumiy qerz sommisining dölet yilliq omumiy ishlep chiqirish qimmiti bilen bolghan nisbiti 145 pirsentke yetken.

Halbuki "Soda ichki xewerliri géziti" de körsitishiche, "Makwayér meblegh sélish guruhi" diki iqtisadiy analizchi lariy xu xitaydiki yuqiriqi nisbetning 284 pirsentke yetkenlikini körsetken.

U, bu qerz nisbitining xeterlik sürette ösüwatqanliqini hemde nöwette turaqsiz derijige yetkenlikni bildürgen we: "Bu halaketning bashlinish nuqtisi. Mana bu xitay iqtisadini yiqitidighan amil" dep yazghan.

Roytérsta neqil élishiche, lipton ependim xitay da'irilirini dunyawi iqtisadiy dawalghush peyda qilishtin saqlinish üchün qerz mesilini tüptin hel qilishqa chaqirghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet