Хитай мәбләғниң чәтәлләргә еқип кетишиниң алдини елиш тәдбирлирини күчәйткән

Мухбиримиз меһрибан
2016-11-29
Share

Фирансийә агентлиқиниң 29-ноябир елан қилған бир хәвәр анализида, хитай таратқулири хәвәрлиридин нәқил елинип, хитай һөкүмитиниң мәбләғниң чәтәлләргә еқип кетишиниң алдини елиш тәдбирлирини күчәйткәнлики оттуриға қоюлди.

Мәзкур хәвәр анализида хоңкоңда чиқидиған "җәнубий хитай сәһәр гезити" ниң хәвиридин нәқил елинип, хитай һөкүмитиниң нөвәттә дөләт ичидики хитай ширкәтлириниң чәтәлләргә 10 милйон америка доллиридин юқири мәбләғ селишини чәкләватқанлиқи вә йеқинда бу һәқтә рәсмий уқтуруш чүшүрүп, 2017-йили 9-айға қәдәр хитай дөләт ичидики ширкәтләрниң 10 милйон америка доллиридин юқири мәбләғ селинидиған қурулушларда мунасивәтлик тармақларниң алаһидә тәкшүрүши вә тәстиқини елиш керәклики хитайдики бир қисим чоң ширкәтләргә уқтурулғанлиқи тилға елинған.

Мәзкур анализ мақалисидә йиллардин буян хитай ширкәтлириниң чәтәлләргә мәбләғ селишини тәшәббус қилип келиватқан хитай һөкүмитиниң туюқсиз чәтәлләргә мәбләғ селишни контрол қилидиған қарарларни елан қилишиға дөләт ичидики иқтисадниң чекиниватқанлиқи сәвәб болуватқанлиқи илгири сүрүлгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт