Хитайдики бир хусусий банка уйғур райониға 50 милярд йүән мәбләғ салидиғанлиқини билдүргән

Мухбиримиз җүмә
2015-12-27
Share


Хәвәрләргә қариғанда, хитайдики бир хусусий банка уйғур райониға кәлгүси бәш йил ичидә 7, милярд 730 милйон доллар йәни 50 милярд йүән иқтисадий ярдәм беридиғанлиқини билдүргән.

Америка авазиниң хитай ахбаратлиридин нәқил елип хәвәр қилишичә, мәбләғни хитайдики әң чоң хусусий банка һесаблинидиған миншең банка гуруһи тәминләйдикән.

Бу хәвәр әсли "шинҗаң гезити" дә берилгән. Бу һәқтә тохталған банка гуруһиниң президенти хоң чи хитайниң йеңи йипәк йоли қурулуши сәвәблик уйғур районини өзиниң истратегийәлик мәбләғ селиш районлириниң биригә айландурушни пилан қиливатқанлиқини билдүргән.

Хәвәрдә юқири мәбләғләрниң қайси түрләргә селинидиғанлиқини шәрһләнмигән.

Миншең банка гуруһиниң юқириқи пилани районниң партком секретари җаң чүншйәнниң қарши елишиға еришкән.

Америка авазида көрситишичә, уйғурларниң көпинчиси уйғур елидики иқтисадий тәрәққият мевилиридин пәқәт хитайларниңла бәһри еливатқанлиқи, миллий кәмситиш қатарлиқлардин шикайәт қилидикән.

Хәвәрдә мундақ дейилгән: "шинҗаң хитайниң барғанчә ешип бериватқан енергийә еһтияҗи үчүн һәл қилғуч рол ойнайду. Әмма көпинчә чәтәл мутәхәссислириниң ейтишичә, енергийә мәһсулати вә улардин келидиған нәпләрниң мутләқ көп қисми хитайларға кетидиғанлиқи уйғурлар арисидики наразилиқларни күчәймәктә."

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт