Xitaydiki bir xususiy banka Uyghur rayonigha 50 milyard yüen meblegh salidighanliqini bildürgen

Muxbirimiz jüme
2015-12-27
Share


Xewerlerge qarighanda, xitaydiki bir xususiy banka Uyghur rayonigha kelgüsi besh yil ichide 7, milyard 730 milyon dollar yeni 50 milyard yüen iqtisadiy yardem béridighanliqini bildürgen.

Amérika awazining xitay axbaratliridin neqil élip xewer qilishiche, mebleghni xitaydiki eng chong xususiy banka hésablinidighan minshéng banka guruhi teminleydiken.

Bu xewer esli "Shinjang géziti" de bérilgen. Bu heqte toxtalghan banka guruhining prézidénti xong chi xitayning yéngi yipek yoli qurulushi seweblik Uyghur rayonini özining istratégiyelik meblegh sélish rayonlirining birige aylandurushni pilan qiliwatqanliqini bildürgen.

Xewerde yuqiri mebleghlerning qaysi türlerge sélinidighanliqini sherhlenmigen.

Minshéng banka guruhining yuqiriqi pilani rayonning partkom sékrétari jang chünshyenning qarshi élishigha érishken.

Amérika awazida körsitishiche, Uyghurlarning köpinchisi Uyghur élidiki iqtisadiy tereqqiyat méwiliridin peqet xitaylarningla behri éliwatqanliqi, milliy kemsitish qatarliqlardin shikayet qilidiken.

Xewerde mundaq déyilgen: "Shinjang xitayning barghanche éship bériwatqan énérgiye éhtiyaji üchün hel qilghuch rol oynaydu. Emma köpinche chet'el mutexessislirining éytishiche, énérgiye mehsulati we ulardin kélidighan neplerning mutleq köp qismi xitaylargha kétidighanliqi Uyghurlar arisidiki naraziliqlarni kücheymekte."

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet