Aqsu wilayitide xitay medeniyiti teshwiqati yighini échilghan

Muxbirimiz jewlan
2021-01-06
Share

Xitay taratqulirining yéqinda bergen xewirige qarighanda, aqsu wilayitide "Shinjangni medeniyet arqiliq ozuqlandurush xizmiti" söhbet yighini échilghan. Yighinda "Shinjangni medeniyet arqiliq ozuqlandurush" tiki 10 türlük qurulushni teshkillesh, qanat yaydurush telep qilin'ghan.

Bu yerdiki "Medeniyet arqiliq ozuqlandurush" dégini, Uyghur rayonidiki her millet kadirliri we ammini "Medeniyet" arqiliq terbiyelep, shi jinpingning yéngi dewr sotsiyalizm idiyesini ögitip, ularda jungxu'a milliti ortaq gewdisi éngi we sotsiyalistik yadroluq qimmet qarishini turghuzush iken.

Yighinda yene xitayning en'eniwi medeniyiti, inqilap medeniyiti, sotsiyalistik medeniyitining yétekchilik rolini jari qildurup, "Medeniyet arqiliq ademni tesirlendürüsh, medeniyet arqiliq ademni terbiyelesh, medeniyet arqiliq qelb étizini sughirish, kishiler qelbini mujessemlesh, yaxshi adet yétildürüp nachar adetni özgertish" telep qilin'ghan.

Analizchilarning qarishiche, "Medeniyet bilen ozuqlandurush" dégini xitayning "Uyghur rayonida medeniyet yoq, kem yaki qalaq" dégenliki bolup, mushundaq külkilik sho'arlar bilen Uyghur rayonida medeniyet zorawanliqi yürgüzmekte iken. Melum bolghinidek, xitay hazir öz hakimiyitining muqimliqi üchün kompartiye idi'ologiyisini, bashqa milletlerni assimilatsiye qilish üchün xitayning kona medeniyitini küchep teshwiq qiliwatqan bolup, Uyghur qatarliq milletlerning diniy we milliy medeniyitini yoqitish qedimini misli körülmigen derijide tézletken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet