Америка хитай яғач мәһсулатлириға җаза беҗи қоймақчи

Мухбиримиз җүмә
2013.09.18

Америка хитайдин келидиған яғач пол вә башқа яғачтин ясалған безәк материялларға төкмә қилип сетишқа қарши җаза беҗи қойидиғанлиқини җакарлиди.

Америка сода министирлиқи хәлқаралиқ сода башқуруш оргининиң сәйшәнбә күни билдүрүшичә, даириләр тәкшүрүш арқилиқ хитайдин келидиған яғач мәһсулатлириниң америкида төкмә қилип сетилғанлиқини дәлиллигән.

Мәзкур орган бу һәқтә мундақ деди: хитайдин келидиған яғач мәһсулатлар америкида мисли көрүлмигән дәриҗидә төкмә қилип сетилған вә буниңға алақидар хитай ширкәтлири хитай һөкүмитиниң көрүнәрлик ярдимигә еришкән.

Америка һөкүмитигә қарашлиқ бу сода башқуруш оргининиң билдүрүшичә, хитай яғач мәһсулатлириға қоюлидиған җаза беҗи 56 пирсәнттин 122 пирсәнткичә болидикән. Хитай һөкүмитиниң ярдимигә еришкән хитай експорт ширкәтлиригә қоюлидиған җаза беҗи 27 пирсәнткә йетидикән.

Америка 2012-йилиму хитайдин келидиған қуяш енергийә тахтиси, нефит турубилири қатарлиқ 22 хил мәһсулатқа җаза беҗи қойған. Хитай дуня сода тәшкилатиға бу һәқтә әрз сунған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.