Xitaydin kélidighan quyash énérgiye taxtaylirini pütünley cheklesh teklipi otturigha qoyuldi

Muxbirimiz eziz
2021-09-28
Share

Amérika we yawropa bazirida köplep sétiliwatqan quyash énérgiyesi taxtaylirining xitay hökümiti ijra qiliwatqan "Uyghur mejburiy emgiki" ge chétishliq ikenliki aydinglashqandin buyan buninggha qarshi türlük chaqiriqlar otturigha qoyuluwatqanliqi melum. Yéqinda amérika kéngesh palatasining ezaliri bu heqtiki téximu küchlük teklipni otturigha qoyghan.

"Blombérg xewerliri" ning 27-séntebirdiki xewiride éytilishiche, kéngesh palata ezaliridin jon ossof qatarliqlar bu yil 21-iyunda "Amérika quyash énérgiye taxtilirini bashqurush qanuni" ni sun'ghan bolup, yéqinda ular "Xitaydin kélidighan barliq quyash énérgiye taxtisini men'i qilish" ni tekitligen. Ular buning üchün amérika shirketlirini quyash énérgiye taxtisi ishlepchiqirishqa righbetlendürüsh lazimliqini, buninggha awaz qoshqan amérika shirketlirige yilliq baj qayturush ishlirida étibar bérishni éytqan. Jon ossof bu heqte téléwiziye ziyaritini qobul qilghan hemde "Bizning kilimat mesilisini oylishish mejburiyitimiz bar. Shundaqla mejburiy emgekke qarshi turush mejburiyitimizmu bar. Emma biz hazir Uyghurlarning mejburiy emgikige chétishliq bolghan quyash énérgiye taxtaylirigha bekla éghir tayinip qalidighan weziyette. Shunga buni özgertish lazim" dégen.

Melum bolushiche, nöwette bir qisim amérika siyasiyonlirining kilimat mesilisini bahane qilip xitay bilen bolghan hemkarliqni kücheytishni tekitlimekte iken. Nawada quyash énérgiye taxtisigha da'ir bu qanun layihisi maqullansa buning ijabiy tesir bekla zor bolidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet