Amérikaning los-anjélis portida Uyghur ilidiki mejburiy emgek mehsulati bolghan tére peleyler tutup qélin'ghan

Muxbirimiz erkin
2020-10-16
Share

Amérika tamozhna we chégra bashqurush idarisidiki xadimlar los-anjélisning long bich portida Uyghur ilidiki mejburiy emgek mehsulati bolghan 32 sanduq ayallar tére peliyini tutup qalghan. Amérika tamozhna we chégra basqurush idarisining torida 15-öktebir élan qilishiche, bu 32 sanduq peley Uyghur élining ghulja (jélilyüzi) nahiyesidiki sana'et baghchisigha jaylashqan jowen kiyim-kechek shirkiti we bawdingdiki bir soda-tijaret shirkiti teripidin ishlepchiqirilghan iken.

Tordiki uchurda bu mehsulatning esli kélish menbesining Uyghur aptonom rayoni ikenliki, xitay hökümitining bu rayonda Uyghurlargha qarshi sistémiliq kishilik hoquq depsendichiliki bilen shughulliniwatqanliqi tekitlinip, bu mehsulatlarning bu yil 9-ayda tutup qélin'ghanliqini bildürülgen. Amérika tamozhna we chégra bashqurush idarisi ilgirimu jowen kiyim-kéchek shérkitining mehsulatlirini bir qanche qétim tutup qalghan.

Bu qétim ular bir aydek tekshürüsh élip bérip, tére peleylerning mejburiy emgek mehsulati ikenlikini éniqlighan. Amérika tamozhna-chégra bashqurush idarisining muweqqet komissari mark morgan bu toghrisida toxtilip: "Tramp hökümiti mejburiy emgekning rehimsiz qilmishigha qarshi keskin tedbir qollanmaqta. Mejburiy emgek ishchilarni zorawanliqqa, wehimige duchar qilipla qalmay, belki amérika karxanilirigha we iqtisadigha ziyan salmaqta," dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.