Америка хәлқиниң хитай һәққидики қариши барғансери өзгәрмәктә

Мухбиримиз әзиз
2022-02-02
Share

Хәлқ райини синашта узун йиллиқ тәҗрибигә игә “пю рай мәркизи” ниң әң йеңи рай синашлиридин мәлум болушичә, америка хәлқиниң хитай һәққидики чүшәнчисидә өткән бир йилда зор өзгиришләрбарлиққа кәлгән.

2-Феврал күни елан қилинған тәкшүрүш нәтиҗисидин мәлум болушичә, америка һөкүмитиниң бейҗиң қишлиқ олимпик мусабиқисини дипломатик байқут қилишини қоллайдиғанлар америка хәлқиниң йеримиға йеқинлашқан (46 пирсәнт). Гәрчә көп қисим америкалиқлар бу қарарниң елинишидики уйғур қирғинчилиқи, хоңкоң демократийәсиниң бастурулуши дегәндәк тәпсилатлардин хәвәрсиз болсиму 54 пирсәнт киши хитайни “америкаға хирис қиливатиду” дәп қарайдикән; 35 пирсәнт киши болса хитайни америка үчүн дүшмән, дәп қарайдикән. Хитайни америка үчүн сода шерики, дәп қарайдиғанларниң сани тоққуз пирсәнт икән.

Мәлум болушичә, көп қисим америка хәлқи та йеқинқи мәзгилләргә қәдәр хитайни америка үчүн дост мәмликәт, дәп қарап кәлгәникән. Әмма таҗсиман вируси, хитайниң хәлқара дипломатийә сәһнисидики зорлуқ-зомбулуқ қилмиши вә уйғур қирғинчилиқи қатарлиқ бир қатар вәқәләр америка хәлқиниң хитай һәққидики чүшәнчисидә зор өзгириш пәйда қилған муһим амиллар, дәп қаралмақтикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт