Amérika dölet mejlisi xitay ishliri ijra'iye komitéti xitaydiki qiyin-qistaq ehwalini tekshürüshni telep qildi

2022-04-22
Share

Amérika dölet mejlisi xitay ishliri ijra'iye komitéti ezaliridin jéf mérkli (Jeff Merkley), jemés mekgawérn (James McGovern), tam malinowiski (Tom Malinowski), tomas sözi (Thomas Suozzi) qatarliqlar birleshken döletler teshkilati ten jazasini cheklesh komitétining re'isi klawud hillér (Claud Heller) gha xet yézip, xitayda boluwatqan wehshiy qiyin-qistaq, ten jazalirini qattiq tekshürüshni keynige sürmeslikni telep qilghan.

B d t ten jazasini cheklesh komitéti 2015-yil xitaydiki ten jazasini tekshürgendin buyan xitaydiki kishilik hoquq ehwali, bolupmu Uyghur rayonidiki qebih zulum nahayiti éghirliship ketken bolup, amérika dölet mejlisi xitay ishliri ijra'iye komitéti ezaliri buninggha yéqindin diqqet qilghan hemde mesilining texirsizlikini tonup yétip, mezkur komitétni derhal heriketke ötüshke chaqiriq qilghan.

Bu xette körsitilishiche, xitay hökümiti mehbuslarni qiynash ehwali heqqidiki doklatini 2019-yil 12-aydin burun b d t ten jazasini cheklesh komitétigha yollishi kérek bolsimu téxi yollimighan.

Bu xette, türmidin qutulup chiqalighan shahitlarning bayanliri bilen bérilgen pakitlar asas qilin'ghan halda, Uyghur aptonom rayonidiki zor kölemlik lagér, qamaqxana we türmilerde mehbuslarni qiynashning omumyüzlük hadise ikenliki, zorlap iqrar qildurush ehwalining éghir ikenliki, bezi mehbuslarning ten jazasidin ölgenliki yaki méyip bolghanliqi heqqidiki melumatlar körsitilgen hemde xitay hökümiti bu ehwalni yoshuruwatqan ehwalda b d t ten jazasini cheklesh komitétining uni jezmen tekshürüshi kérekliki tekitlen'gen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet