Liz wélir: "Xitayning bizning bilishimizni xalimaydighini del xitayning heqiqiy rezil ichki yüzidur"

Muxbirimiz nur'iman
2020-07-15
Élxet
Pikir
Share
Print

"Bir amérika" xewer torining dangliq riyasetchisi liz wélir 14-iyul "Xitay kompartiyesining sizning bélip qilishingizni xalimaydighan ishliri" namliq bir programma ishligen. Bu programma féyisbuk, tiwittér qatarliq ijtima'iy taratqularda nahayiti küchlük inkas peyda qilghan.

Liz wélir programmisida emeliy misallar arqiliq xitayning epti-beshirisini échip körsetken. "Tyen'enmén weqesi" din tartip, xongkong dimokratiyesining weyran qilinishighiche, bir milyondin üch milyon'ghiche Uyghurlarlaning yighiwélish lagérlirida qiyin qistaqqa uchrishidin tartip korona wérusi heqqide heqiqiy uchurlarni ashkarilighanlarning iz-direksiz ghayib qilinishighiche bolghan köpligen mesililerni bir-birlep otturigha qoyghan.

U yene programmisida "Marko rubiyu, téd kiruz qatarliq jigerlik parlarmént ezaliri xitayda yüz bériwatqan éghir kishilik hoquq depsendichiliki heqqide heqiqetni sözligenliki üchün xitay hökümiti ulargha qarshi cheklesh siyasetlirini yolgha qoydi. Bashqa parlaminit ezaliri we bashqa döletlermu sükütte turmanglar, xitayning bizning bélip qilishimizni xalimaydighini del ularning heqiqiy rezil ichki yüzidur," dédi.

9-Iyul küni amérika hökümiti Uyghurlarni basturushta biwasite qoli bolghan chén chüen'go qatarliq 4 neper xitay emeldarigha jaza élan qilghandin kéyin, xitay hökümiti 13-iyul küni amérikadin öch élish üchün marko rubiyo qatarliq 4 neper amérika emeldarigha "Jaza tedbiri" élan qilghan idi.

Toluq bet