Бен кохен: «хитай йәнә бир қетим дуняниң көзини бойимақчи болуватиду!»

Мухбиримиз әзиз
2020-11-24
Share

Америка демократийәси еғир киризисларға дуч кәлмәктә, дәп қариливатқанда бу һалниң дуняниң башқа җайлирида, болупму хитайда техиму еғир ақивәтләргә сәвәб болуватқанлиқи йеқиндин буян зор ғулғула қозғашқа башлиди. Сиясий анализчи бен кохенниң «йәһудий хәвәр амбири» ниң тор бетидә 23-ноябир елан қилинған бу һәқтики мақалисида бу мәсилә алаһидә тәкитләнди.

Апторниң қаришичә, нөвәттә хитай һөкүмитиниң хоңкоңдики «бир дөләттә икки хил түзүм болуш» вәдисини бәрбат қилиши һәмдә милйонлиған уйғурни лагерға қамап, уларни «өлчәмлик пуқра» ға айландурмақчи болуши хитай һөкүмитиниң демократийә қурулушиға қайси дәриҗидә бузғунчилиқ қиливатқанлиқини әң ярқин көрситип беридикән. Болупму американиң өзидә сиясий көзқарашлар сәвәбидин зор тәвриниш болуватқан бүгүнки күндә америка кеңәш вә авам палата әзалириниң давамлиқ һалда уйғурлар мәсилисини тәкитлиши һәмдә өткән һәптә бирләшкән дөләтләр тәшкилати (б д т) баш кативи антонйо гуттересқа «уйғурларниң әһвалини тәкшүрүшкә мәхсус вәкил тәйинләш» мәзмунида бирләшмә мәктуп йоллиши бу мәнидин алғанда алқишлашқа тегишлик һәрикәт икән.

Гәрчә нөвәттә хитай һөкүмити қиливатқан ишлардин уйғурларниң миллий вә диний кимликини өчүрүветиш урунушлири һәмдә уйғурларға қаритилған мәҗбурий туғут чәкләш тәдбирлири, буниңдин илгирила мәлум болушқа башлиған уйғурларни рамизан мәзгилидә чошқа гөши йейиш вә һарақ-пива ичишкә мәҗбурлаш қилмишлири аллиқачан «мәдәнийәт қирғинчилиқи» яки «қирғинчилиқ» дәп аталған болсиму, хәлқараниң бу һадисиләрни тәкшүрүш хизмити һазирғичә әмәлиләшмигән. Хитай һөкүмити болса бу һәқтики тәләпләрни «бизниң игилик һоқуқимизға арилашқанлиқ» дәп рәт қилмақтикән. Йәнә келип хитай һөкүмитиниң нәзиридә «игилик һоқуқ» чүшәнчиси һәрқачан «өз територийәсидә немини халиса шуни қилиш» дегән мәнидә қоллинилидикән. Дәл мушу һадисә нөвәттә хәлқараниң көзини бояп, уйғурлар дуч келиватқан паҗиәләрни дуняниң көзидин халий қалдурмақтикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт