Шаңхәй, хаңҗулардики кишилик һоқуқ актиплири мәтбуат ялғанчилиқини әйибләп намайиш қилди

Мухбиримиз меһрибан
2013-10-01
Елхәт
Пикир
Share
Принт

Хитай коммунист һөкүмитиниң 1-өктәбир дөләт байримида қаттиқ бихәтәрлик тәдбирлири елинған болсиму, шаңхәй, хаңҗулардики кишилик һоқуқ актиплири хитай мәтбуатлиридики ялғанчилиқни әйибләп намайиш қилди.

Чәтәлләрдики хитай демократлири тор бекәтлиридин бошүн ториниң хәвәр қилишичә, 30-сентәбир күни хаңҗу шәһиридики кишилик һоқуқ паалийәтчилири вә әрздарлардин чү ливән қатарлиқ 20 дин артуқ киши хитайниң хәлқ гезити ишхана бинаси алдиға келип, хәлқ гезитиниң «икки йилдин буян хаңҗудин бирму әрздар чиқмиди» қатарлиқ ялған хәвәрләрни бәргәнликини әйиблиди.

Хәвәрдин мәлум болушичә, 1-өктәбир күни шаңхәй шәһиридики әрздарларму шаңхәй шәһәрлик телевизийә идариси алдида намайиш қилған. Улар қоллирида «һөкүмәт әмәлдарлириниң мал-мүлкини ашкарилишини тәләп қилимиз, мәтбуатларниң хәлқ ишинидиған раст хәвәрләрни беришини тәләп қилимиз» дегән плакатларни көтүрүп, һөкүмәт мәтбуатлириниң ялғанчилиқини әйиблигән.

Пикирләр (0)
Share
Толуқ бәт